“Qarabağ”ın baş məşqçisi Qurban Qurbanov “Sabah”ın “Barselona” ilə Bakıda keçirəcəyi oyun barədə danışıb.

Apasport.az xəbər verir ki, təcrübəli mütəxəssis Konfrans Liqasının pley-off mərhələsində “Tvente”yə 1:4 hesablı məğlubiyyətdən sonra keçirilən mətbuat konfransında bu barədə fikirlərini bölüşüb.

Qurbanov azarkeşi olduğu “Barselona”nın Çempionlar Liqasının liqa mərhələsində “Sabah”la oynayacağı qarşılaşmada Azərbaycan klubunu dəstəkləyəcəyini bildirib:

“Stadionda olsam, ‘Sabah’a azarkeşlik edəcəyəm. Onlara uğurlar arzu edirəm. Deyəcək çox söz yoxdur. ‘Barselona’ya başqa oyunlarda fanatlıq edəcəyəm”.

Qeyd edək ki, Qurban Qurbanov daha əvvəl də “Barselona”ya rəğbət bəslədiyini açıqlayıb.

• ÇL: “Sabah” “Barselona” və “Arsenal”a rəqib oldu - YENİLƏNİB
• “Karvan-Yevlax”dan yeni transfer
• Millimizin üzvü Türkiyə klubunda - RƏSMİ
• “Qarabağ”ın oyununa görə metronun iş rejimi dəyişəcək
• Prezident İlham Əliyev “Sabah”a 5 milyon manat ayırıb - Sərəncam