"Zirə”nin baş məşqçisi Rəşad Sadıqov Konfrans Liqasının pley-off mərhələsində sabah “Omoniya”ya qarşı keçirəcəkləri oyundan əvvəl fikirlərini bölüşüb. 

Apasport.az xəbər verir ki, mütəxəssis matçla bağlı bunları deyib:

– Bizi çox vacib və maraqlı oyun gözləyir. Artıq iki aya yaxındır, avrokuboklardayıq. Sabah pley-off mərhələsinin ilk oyununa çıxacağıq. Keyfiyyətli və təcrübəli, Azərbaycan futboluna tanış rəqibdir. “Qarabağ” və “Qəbələ”dən tanış komandadır. Bir neçə yeni transferləri var və bu, komandanın oyununda hiss olunur. Azarkeşləri maraqlı və gərgin oyun gözləyir.

– Sabah fiziki, taktiki hazırlıqla yanaşı, psixoloji hazırlıq da önəmlidir. Bu səbəbdən futbolçularla söhbətiniz olubmu?

– Mənim yerimdə kim olsa, işini görəcək, müəyyən danışıqlar aparacaq. Futbolçular da vəziyyəti dərk edir, necə vacib görüş olduğunu bilirlər. Pley-off əvvəlki mərhələlərdən fərqlənir. Bizi ilk olaraq sabahkı 90 dəqiqə maraqlandırır. Şanslarımızı Bakıya saxlamaq istəyirik. İnşallah, cavab görüşündə də yaxşı nəticə ilə mərhələ adlamaq istəyirik.

• "Neftçi" “Qəbələ” səfərindən 3 xalla qayıdır - YENİLƏNİB
• “Lokomotiv”in müdafiəçisi “Turan Tovuz”da - RƏSMİ
• "Karvan"ın futbolçularına danışılmış oyunlarla bağlı seminar keçirilib
• İslam Maxaçevə görə ən gözəl qol: İBRA SƏVİYYƏSİ - VİDEO
• Qurban Qurbanov Mustafazadənin transferi ilə bağlı: Onun özü ilə danışıb, razılaşmışdım