Təyyarə qəzasında həlak olan 13 yaşlı Məhəmmədəli Yeqanov dəfn olunub.
Apasport.az xəbər verir ki, onunla Xətai rayonunda keçirilən vida mərasimi başa çatandan sonra mərhum Sabunçu rayonunda tatar qəbiristanlığında torpağa tapşırılıb.
***
12:14
Dekabrın 25-də Qazaxıstanın Aktau şəhəri yaxınlığında AZAL-a məxsus sərnişin təyyarəsinin qəzaya uğraması nəticəsində həlak olan “Gənclik” futbol klubunun üzvü, 13 yaşlı Məhəmmədəli Fərid oğlu Yeqanovun nəşi Bakıya gətirilib.
Apasport.az xəbər verir ki, Məhəmmədəli Yeqanovun nəşi Bakıya AZAL-a məxsus təyyarə ilə çatdırılıb.
Bu gün Məhəmmədəli Yeqanovla vida mərasimi keçirilib. Vida mərasimi Xətai rayonunda mərhumun yaşadığı evdə baş tutub. Mərasimdə mərhumun ailə üzvləri, yaxınları, ictimaiyyət nümayəndələri iştirak edib.
Mərhum Sabunçu rayonunda qəbiristanlıqda dəfn olunacaq.
Qeyd edək ki, 25 dekabr tarixində “Azərbaycan Hava Yolları” aviaşirkətinə məxsus J2-8243 nömrəli Bakı-Qroznı reysini yerinə yetirən “Embraer 190” təyyarəsi təcili eniş zərurəti ilə bağlı Aktau şəhəri istiqamətinə yön alaraq, Aktau şəhəri yaxınlığında qəzaya uğrayıb. Təyyarədə 5 ekipaj üzvü və 62 sərnişin olmaqla, ümumilikdə 67 nəfər olub. Qəza nəticəsində 38 nəfər həyatını itirib, 29 nəfər sağ qalıb.
Oxşar xəbərlər
Ana səhifə
Bütün xəbərlər
Hesabım