Tovuz şəhər stadionunda ot örtüyünün dəyişdirilməsi işlərinə start verilib.

Apasport.az xəbər verir ki, bu barədə klubun mətbuat xidməti məlumat yayıb.

Filip Şarplazın rəhbərlik etdiyi “Caspian Sport and Landscape” şirkəti ilə anlaşmaya əsasən süni örtük söküldükdən sonra drenaj və suvarma sisteminin quraşdırılması işləri həyata keçiriləcək.

Bundan sonra torpaq hissəsinin yerləşdirilməsinə və müasir standartlara cavab verən təbii ot örtüyünün salınmasına başlanacaq. İşlərin oktyabr ayının sonuna kimi tamamlanması nəzərdə tutulub. Eyni zamanda Abulbəyli kəndi ərazisində, Tovuz çayının kənarında “Huner Group” tərəfindən alınmış torpaq sahəsində süni ot örtüklü meydançanın salınmasına da başlanılıb.

• Rövşən Nəcəf: “Azərbaycan futbolu yalnız Premyer Liqadan ibarət deyil”
• FIFA rəsmisi: “Azərbaycan futbolu Avropada etimad qazanır”
• Azərbaycan klublarına UEFA-dan ayrılan maliyyə vəsaiti açıqlanıb
• AFFA-nın illik gəliri açıqlandı: ən böyük pay kimə məxsusdur?
• AFFA açıqladı: BU STADİONLAR TƏMİRƏ BAĞLANACAQ