Türkiyənin "Fənərbaxça" klubu bundan sonra basketbol üzrə Türkiyə milli komandasına oyunçu göndərməyəcəyini açıqlayıb.

Apasport.az xəbər verir ki, bu barədə klubun mətbuat xidməti məlumat paylaşıb. 

Açıqlamada buna əsas səbəbi milli komandanın baş məşqçisi Ergin Ataman olduğu bildirilib.

Belə ki, "Fənərbaxça" və "Qalatasaray" futbol komandalarının arasında baş tutan (1:3) matçdan sonra "cim-bom" azarkeşi olan Türkiyə millisinin baş məşqçisi Ergin Ataman "sarı-qırmızılı" azarkeşlərlə birlikdə sevinib.

Daha sonra Atamanın əliylə "3:1" tutduğu anın görüntüləri yayılıb.

Bundan sonra öz instaqram hesabından paylaşdığı yazı ilə "Fənərbaxça"dan üzr istəyən təcrübəli mütəxəssis, kluba hörmət etdiyini və bu hərəkətinin səhv anlaşılacağını düşünmədiyini bildirib.

"Fənərbaxça" isə öz növbəsində Atamanın üzrünün qəbul olunmadığını və bundan sonra Türkiyə milli komandasına oyunçu göndərilməyəcəyini açıqlayıb.

Klubdan verilən açıqlamada Ergin Atamanın "Qalatasaray"a "şirin" görünmək üçün neytrallığını itirməsi tənqid olunub. 

• "Neftçi"nin Avropa Kubokundakı rəqibləri bəlli olub
• Emin Əmrullayev Türkiyənin tanınmış basketbol klubunun prezidenti ilə görüşüb - FOTO
• Millimiz Küveyt yığmasına məğlub olub
• Qadınlardan ibarət 3x3 millimizin Avropa Kubokundakı rəqibləri bəlli olub
• 3x3 basketbol üzrə Dünya Qadın Seriyasında Sumqayıt mərhələsinin iştirakçıları bəlli olub