“Naxçıvan” basketbol klubu heyətini daha iki yerli oyunçu ilə gücləndirib.
Apasport.az xəbər verir ki, Naxçıvan təmsilçisi U-18 Azərbaycan millisinin üzvü Azər İbrahimovla razılığa gəlib.
17 yaşlı basketbolçunun boyu 180 sm-dir. İbrahimov son olaraq “LANDAU Lions”un formasını geyinib.
O, 2026-cı ildə U-18 Avropa çempionatının B divizionunda keçirdiyi oyunlarda orta hesabla 6,3 xal, 2,5 ribaund və 2 məhsuldar ötürmə ilə yadda qalıb. 2025-ci ildə U-16 Avropa çempionatının C divizionunda isə onun orta göstəriciləri 16 xal, 4,8 ribaund və 3,5 assist olub.
İbrahimov həmin turnirdə ən məhsuldar oyununu Moldova yığmasına qarşı keçirib. O, bu görüşdə 28 xal və 8 ribaund toplayıb. San-Marinoya qarşı matçda isə 24 xal, 7 ribaund və 6 assistlə çıxış edib.
“Naxçıvan”ın digər transferi Rəvan Əliyevdir. Klub 25 yaşlı basketbolçu ilə birillik müqavilə imzalayıb.
190 sm boya malik Əliyev ötən mövsüm “Sərhədçi”nin heyətində çıxış edib.
Oxşar xəbərlər
Ana səhifə
Bütün xəbərlər