Kişi basketbolçulardan ibarət "Sabah" Çempionlar Liqasının təsnifat mərhələsinin oyunlarını Türkiyədə keçirəcək.

Apasport.az xəbər verir ki, FIBA yarışın Antalya şəhərində təşkil edilməsinə qərar verib.

Azərbaycan çempionu I qrupda mübarizəyə 1/4 finaldan başlayacaq. “Norrçepinq Dolfins”ə (İsveç) qarşı görüş sentyabrın 17-də, Bakı vaxtı ilə saat 17:30-da başlayacaq. Bu cütün qalibi ayın 19-da yarımfinalda “Friburq Olimpik” (İsveçrə) ilə qarşılaşacaq. Görüş saat 17:30-da start götürəcək. Yarımfinalın digər cütünü “Benfika” (Portuqaliya) klubu ilə “Rilski” (Bolqarıstan) – “Nokia” (Finlandiya) oyununun qalibi formalaşdıracaq.

Final matçı sentyabrın 21-nə nəzərdə tutulub. Həlledici oyunun qalibi əsas mərhələyə vəsiqə qazanacaq.

Qeyd edək ki, Azərbaycan tarixdə ilk dəfə Çempionlar Liqasında təmsil olunacaq.

• Azərbaycan millisi Avropa çempionatına ağır məğlubiyyətlə başladı
• ÇL: “Sabah” “Trabzonspor”a qalib gəldi - YENİLƏNİB
• Alperendən 20 xal, "Hyuston"dan qələbə – NBA-da günün nəticələri
• Polina Şukina "Basketball Without Borders" proqramında iştirak edəcək
• Alperen Şengündən 15 xal, "Hyuston"dan məğlubiyyət – NBA-da günün nəticələri