"Rəqibimizi göstərdiyi mübarizəyə görə təbrik edirəm. Pley-off matçına bənzər oyun oldu".

Apasport.az xəbər verir ki, bunu "Şəki"nin basketbol klubunun baş məşqçisi Bedri Meriç deyib.

O, Azərbaycan Basketbol Liqasının XVI turunda "Ordu" üzərində qazanılan 89:74 hesablı qələbəni şərh edib:

"Müdafiəmizi yaxşı qursaq, bu çempionatda hər bir komandanı məğlub edə bilərik. Evimizdə oynadığımız yaxşı basketbolu bu gün də davam etdirdik. Oyunçularımın hamısına təşəkkür edirəm, bu onların qələbəsidir. "Ordu" kimi güclü heyəti olan komandanı 3 dəfə məğlub etmək gözəl nailiyyətdir. Bu, "Şəki"nin gəldiyi nöqtəni göstərir. Ümid edirəm ki, hədəfimiz olan pley-offa düşəcəyik. Yeni oyunçumuz Tomi Lyuk komanda ilə cəmi 1 məşq keçdi, hələ tam hazır deyil, zamana ehtiyacı var. 1-2 matç sonra bizim komandaya uyğunlaşacaq".

• Azərbaycan millisi Avropa çempionatına ağır məğlubiyyətlə başladı
• ÇL: “Sabah” “Trabzonspor”a qalib gəldi - YENİLƏNİB
• Alperendən 20 xal, "Hyuston"dan qələbə – NBA-da günün nəticələri
• Polina Şukina "Basketball Without Borders" proqramında iştirak edəcək
• Alperen Şengündən 15 xal, "Hyuston"dan məğlubiyyət – NBA-da günün nəticələri