"Sumqayıt" basketbol klubu baş məşqçisi Vadim Kuramşınla bağlı qərarını açıqlayıb. 

Apasport.az xəbər verir ki, "gənclik şəhər" təmsilçisi təcrübəli mütəxəssislə müqavilə müddətini uzadıb.

Bu barədə klubun mətbuat xidməti məlumat yayıb.

O, yeni mövsümdə də komandanın "sükanı arxası"nda olacaq.

Qeyd edək ki, Kuramşın "Sumqayıt" təsis edildiyi dövrdən komandada məşqçi kimi çalışır. O, ötən mövsümün gedişində baş məşqçi postuna gətirilib.

Kuramşının başçılığı altında "Sumqayıt" B qrupunu 4-cü sırada başa vurub. Pley-in seriyasında isə komandada "Sərhədçi"yə 1:2 hesabı ilə məğlub olaraq mübarizəni dayandırıb.

• AMADA ABŞ-li basketbolçunu diskvalifikasiya edib
• "Neftçi" daha bir amerikalı oyunçu ilə anlaşıb
• “Abşeron Lions”dan növbəti transfer
• Millimiz İrlandiyaya qalib gəlib
• Millimiz Lüksemburqa uduzdu - qrup sonuncusu oldu