Oğlan basketbolçulardan ibarət Azərbaycan yığmaları (U-16, U-18) təlim-məşq toplanışını Bakıda davam etdirirlər.

Apasport.az xəbər verir ki, Tahir Baxşıyev və Polad Həsənovun rəhbərlik etdiyi U-16, Anar Sarıyev və Fərid Əmirovun məşqçiləri olduğu U-18 millilərimiz taktiki və texniki məşqlərlə yanaşı, yoxlama oyunlarında da komandalarının gücünü sınaqdan keçirirlər.

Bu gün Texniki Universitetin idman zalında baş tutan qarşılaşmada U-16 komandamız 65:58 hesabı ilə qələbə qazanıb.

Yeniyetmələrimizin hazırlıq prosesindəki əsas məqsədi, müvafiq olaraq 9-14 iyul Albaniyanın paytaxtı Tirana və 23-28 iyul Albaniyanın Elbasan şəhərlərində keçiriləcək Avropa çempionatı C divizionunun oyunlarına hazırlıqdır.

Qeyd edək ki, məşqlər U-16 millimizdə iyulun 6-da, U-18 millimizdə isə iyulun 15-də yekunlaşacaq.

• Dünya Kubokunun seçmə mərhələ oyunları Bakıda baş tutacaq
• “Sabah”ın baş məşqçisi: “Bizim kimi rəqib də hər oyuna qələbə üçün çıxır”
• “Neftçi”nin baş məşqçisi: “Komandamın belə oyunun gördükdə çox sevinirəm”
• ABL: “Neftçi” seriyada hesabı bərabərləşdirdi
• ABL: "Neftçi" yenidən "Sabah"la qarşılaşacaq - YENİLƏNİR