Madrid "Real"ı qapıçı Tibo Kurtuanın mümkün əvəzləyiciləri ilə bağlı müzakirələrə başlayıb.

Apasport.az xəbər verir ki, bu barədə "Mundo Deportivo" məlumat yayıb.

Mənbənin iddiasına görə, namizədlər arasında "Brayton"un və Niderland millisinin qapıçısı Bart Verbrüggenin adı var. Bundan başqa, Madrid klubu öz akademiyasına da güvənir.

"Real Kastilya"nın qapıçısı Fran Qonsales əsas variantlardan biri hesab olunur.

Bununla belə, hazırda Kurtuanın komandada əvəzolunmaz fiqur olduğu bildirilir. Bu səbəbdən "Real" yeni qapıçı transferini təcili məsələ kimi görmür.

Qeyd edək ki, Tibo Kurtua 2018-ci ildən "Real"da çıxış edir. Belçikalı qapıçı 2022-ci ilin oktyabrında 2021/2022 mövsümünün ən yaxşı qapıçısı kimi Lev Yaşin mükafatına layiq görülüb.

• Avropa Liqası: “Sosyedad” və “Benfika”dan darmadağın - YENİLƏNİB
• AL: İstanbulda qalib müəyyənləşmədi – YENİLƏNİB
• KL: "Trabzonspor" Şotlandiya klubunu məğlub etdi - YENİLƏNİB
• Fəridə Lüftəliyeva UEFA tərəfindən təyinat alıb
• Azərbaycan və Özbəkistanda təşkil olunacaq FIFA U-20 dünya çempionatının tarixi müəyyənləşib