Çexiyanın Ostrava şəhərində 19 yaşadək boksçular arasında Avropa çempionatına start verilib.

Apasport.az xəbər verir ki, yarışın ilk günündə rinqə çıxan Azərbaycan millisinin iki idmançısı döyüşünü qələbə ilə başa vurub.

70 kq-da Rza Rzayev Qleb Herdtlə (İsrail) qarşılaşıb. Boksçumuz 1/16 final çərçivəsində rəqibini 5:0 (30:26, 30:25, 30:27, 30:26, 30:26) hesabı ilə məğlub edib. O, növbəti görüşündə ilk mərhələdən azad olan Akaki Basaria (Gürcüstan) üz-üzə gələcək.

Abbasqulu Şadlinski (75 kq) də Avropa çempionatına qələbə ilə başlayıb. Təmsilçimiz 1/16 finalda Gerasimos Tzavarosdan (Yunanıstan) güclü olub – 5:0 (29:28, 29:28, 30:27, 30:27, 30:27). Şadlinski ikinci döyüşündə ilk mərhələdən azad olan Ahmed Koçini (Albaniya) sınağa çəkəcək.

Hər iki boksçumuz 1/8 final döyüşünə oktyabrın 2-də çıxacaq.

Qeyd edək ki, Avropa çempionatına oktyabrın 9-da yekun vurulacaq.

• Azərbaycanlı idmançı: “Məqsədimiz bayrağımızı yüksəltməkdir”
• Azərbaycanın 3 boksçusu III MDB Oyunlarına qələbə ilə başlayıb
• Millimizin baş məşqçisi: “Məqsədimiz III MDB Oyunlarında birinci olmaqdır”
• Azərbaycanlı boksçu: “Birinci yeri tutacağıma inanıram” - VİDEO
• Millimiz III MDB Oyunlarında 37 boksçu ilə təmsil olunacaq - FOTO