Monteneqronun Budva şəhərində gənc boksçular arasında Dünya kuboku statuslu “Adriatik incisi” beynəlxalq turniri davam edir.

Apasport.az xəbər verir ki, yarışın üçüncü günündə Azərbaycan millisinin daha bir idmançısı mərhələ adlayıb.

48 kq çəkidə mübarizə aparan Banuçiçək Nəsirli 1/4 final çərçivəsində qazaxıstanlı Aiym Tankibayeva ilə üz-üzə gəlib. Görüş boksçumuzun qələbəsi ilə başa çatıb – 3:2 (29:28, 28:29, 29:28, 29:28, 27:30). O, yarımfinalda Natalya Nieviadomska (Polşa) ilə döyüşəcək. Görüş martın 7-də olacaq.

Qeyd edək ki, Nəsirli yarımfinala yüksəlməklə özü üçün azı bürünc medalı təmin edib.

• Azərbaycan boksçuları Avropa çempionatını 4 medalla başa vurublar
• Azərbaycanın 4 boksçusu Avropa çempionatının finalında
• 2 boksçumuz Avropa çempionatında yarımfinala yüksəlib
• Azərbaycan boksçusu 19 yaşında dünya çempionu olub
• Dünya çempionatında bir boksçumuz finala yüksəlib, ikisi bürünc medal qazanıb