Azərbaycan boksçusu Bilalhəbaşi Nəzərov Monteneqronun Budva şəhərində gənclər arasında keçirilən dünya birinciliyində finala yüksəlib.

Apasport.az xəbər verir ki, 48 kq-da mübarizə aparan milli üzvü yarımfinalda Osman Çadqurla (Mərakeş) qarşılaşıb.

Görüş Nəzərovun 5:0 (30:26, 30:26, 30:26, 29:27, 30:26) hesablı qələbəsi ilə yekunlaşıb. Bilalhəbaşi finalda özbəkistanlı Safyiddin Sabirovla döyüşəcək. 

Aynur Mikayılova (57 kq) isə dünya birinciliyini bürünc medalla başa vurub. O, yarımfinalda Pinar Benekə (Türkiyə) 1:4 hesabı ilə məğlub olub. Mikayılova bununla da gənc qız boksçular arasında ilk medal qazanan azərbaycanlı kimi tarixə düşüb.

Qeyd edək ki, daha 3 boksçumuz yarımfinal görüşünə çıxacaq.

• Millimiz Bakıda keçirilən beynəlxalq turnirin qalibi olub
• Böyük İpək Yolu turniri: 11 finalçı, 10 bürünc medal
• Azərbaycanın 19 boksçusu "Böyük İpək Yolu" turnirinin yarımfinalında mübarizə aparacaq
• Millimizin 4 üzvü beynəlxalq turnirə qələbə ilə başlayıb
• "Böyük İpək Yolu" beynəlxalq turnirinin açılış mərasimi keçirilib