Azərbaycan boksçuları Rusiyanın Xabarovsk şəhərində keçirən Konstantin Korotkov Memorialını 5 medalla başa vurublar.

Boks Federasiyasından apasport.az-a verilən məlumata görə, millinin heyətində Maqsud Xasmetov (60 kq) turnirin qalibi olub.

O, finalda Dilşod Abdumurodova (Özbəkistan) qalib gəlməklə Xabarovskda Azərbaycan himnini səsləndirib.

Xasmetovdan fərqli, Ruslan Rüstəmov (63,5 kq) finalda məğlub olub. Həlledici görüşdə Sandan Sandarov (Rusiya) qalib gəldiyindən boksçumuz gümüş medala yiyələnib.

Beləliklə, millimiz Memorialı 1 qızıl, 1 gümüş və 3 bürünc medalla bitirib.

Azərbaycanlı referi Qalib Əbiyev isə yarışın ən yaxşı 5 hakimi sırasında yer alıb.

Qeyd edək ki, daha öncə Ümid Rüstəmov (57 kq), İlqar Salahov (67 kq) və Mirşərif Kazımzadə (75 kq) 3-cü yeri tutublar.

• Azərbaycanlı boksçu Kalininqradda qələbə qazandı
• 8 boksçumuz “Heydər Əliyev kuboku-2026”ya qələbə ilə başlayıb
• “Heydər Əliyev kuboku-2026” beynəlxalq turnirinin açılış mərasimi keçirilib
• “Heydər Əliyev kuboku-2026” beynəlxalq turnirində 185 boksçu mübarizə aparacaq
• Azərbaycan boks tarixində ilk: Dünya Kubokunda 3 qızıl medal