Azərbaycan millisi Şimali Makedoniyanın paytaxtı Skopyedə keçirilən kadetlər arasında cüdo üzrə Avropa çempionatının ümumi hesabında ikincidir.

Apasport.az xəbər verir ki, komandamızın hesabında üç qızıl, bir gümüş və iki bürünc medal var.

Anar Quliyev (50 kq), Rəsul Əlizadə (55 kq) və Zeyd Ələsgərov (60 kq) çempion, Nərmin Ağamirzəzadə (48 kq) gümüş, Gülşən Hüseynova (44 kq) və Leyla Ələkbərova (48 kq) isə bürünc mükafatçı olublar.

Beynəlxalq Cüdo Federasiyasının bayrağı altında çıxış edən idmançılar (4-1-5) ümumi hesabda birinci, Türkiyə komandası (1-3-0) isə üçüncü yerdə qərarlaşıb.

• Azərbaycanın kata ekspertləri Sarayevoda kodokan seminarında iştirak ediblər
• Mehdiabad qəsəbəsində yeni cüdo zalı istifadəyə verilib
• Millimiz Rusiyada beynəlxalq təlim-məşq toplanışına qatılıb
• Cüdoçularımız beynəlxalq təlim-məşq toplanışında iştirak edib
• Kişilər arasında cüdo üzrə Liqa yarışının II turu keçirilib