Latviyanın paytaxtı Riqada keçirilən cüdo üzrə veteranlar arasında Avropa çempionatının ikinci günündə Azərbaycan millisi uğurlu çıxış edib.

Apasport.az xəbər verir ki, təmsilçilərimiz 3 qızıl və 1 bürünc medal qazanıblar.

M-4 yaş kateqoriyasında Babək Hacıyev (60 kq), Vaqif Kərimov (73 kq) və Emil Hüseynov (100 kq) bütün rəqiblərini məğlub edərək Avropa çempionu olublar. M-3 yaş kateqoriyasında isə Samir İsmayılov (81 kq) üçüncü yeri tutub.

Qeyd edək ki, turnirin ilk günündə Fərhad Rəcəbli (M-8, 90 kq) də qızıl medala sahib olmuşdu. Hazırda yığma komandamız 5 medalla (4 qızıl, 1 bürünc) 37 ölkə arasında ümumi sıralamada 4-cü pillədə qərarlaşıb.

• Cüdoçular arasında Ne-vaza üzrə ACF Kuboku keçirilib
• Qaxda yeni cüdo zalının açılışı olub
• Cüdo məşqçiləri üçün təşkil olunan peşəkar inkişaf proqramı davam edir - FOTO
• Cüdo hakimləri üçün nəzəri və praktiki seminar təşkil olunub - FOTO
• Şəkidə cüdo məşqçiləri üçün peşəkar inkişaf proqramına start verilib - FOTO