Bu gün Bolqarıstanın paytaxtı Sofiyada yeniyetmə cüdoçular arasında Avropa çempionatında komanda yarışları keçirilib.

Apasport.az xəbər verir ki, çempionatda 17 ölkə medallar uğrunda mübarizə aparıb.

Azərbaycan komanda yarışlarında 11 idmançı ilə təmsil olunub. Yığmamızın ilk görüşdə uğursuz çıxış edib. Cüdoçularımız Niderland yığmasına 1:4 hesabı ilə uduzub. 

Bundan sonra təsəlliverici görüşlərə qatılan yığmamız İtaliyaya (4:1) qalib gəlsə də, Polşaya uduzub (3:4).

Komandanın heyətində oğlanlarda Fərid Qarayev, Nihad Rəhimov (hər ikisi 60 kq), Mehdi Abbasov (81 kq), Əli Qazıməmmədov (90 kq), Eyvazlı Hüseyn və Sübhan Axundov (hər ikisi +90 kq), qızlarda Diana Eldarova, Nuranə Hacızadə (hər ikisi 48 kq), Aytən Verdiyeva, Vüsalə Hacıyeva (hər ikisi 63 kq) və Mələk Bayramlı (+63 kq) yer alıblar.

Qeyd edək ki, Azərbaycan yığması fərdi yarışlarda 1 qızıl, 1 gümüş və 2 bürünc medal qazanıb.

• Cüdoçunun kata növü üzrə ölkə çempionatı və birinciliyi keçiriləcək
• Bakıda dünya çempionatı üçün xüsusi videoçarx – Cüdo ulduzları bir araya gəldi
• Cüdoçularımız Bakıda keçirilən beynəlxalq təlim-məşq toplanışında iştirak edir
• Məhəmməd Musayev 2 qat Avropa çempionu oldu
• Cüdoçularımızın Avropa çempionatında ilk rəqibləri bəlli oldu