XVIII Avropa Gənclər Yay Olimpiya Festivalında (EYOF) iştirak edəcək cüdoçularla görüş keçirilib.

Apasport.az xəbər verir ki, görüşdə Azərbaycan Cüdo Federasiyasının (ACF) icraçı vitse-prezident Rəşad Rəsullu, ACF prezidentin müşaviri Natiq Bağırov və yığmaların məşqçi heyəti iştirak ediblər.

Federasiya rəsmiləri idmançılara olan etimadı ifadə edərək, qarşıdan gələn mötəbər turnirdə uğurlu çıxış gözlədiklərini bildiriblər. Cüdoçulara yarış öncəsi tövsiyələr verilib, onlara uğurlar arzulanıb.

Qeyd edək ki, EYOF çərçivəsində cüdo yarışları 22–26 iyul tarixlərində Şimali Makedoniyanın paytaxtı Skopyedə keçiriləcək. İdman festivalında Azərbaycanı 12 çəki dərəcəsində 12 cüdoçu (6 oğlan, 6 qız) təmsil edəcək. Yığmamız turnirin son günündə qarışıq komanda yarışında mübarizə aparacaq.

• Şəkidə Şimal-Qərb bölgəsi üzrə cüdo birinciliyi keçirilib
• Dünya çempionatının keçirilmə tarixi dəyişdirilib
• 14 yaşadək cüdoçular arasında region birinciliyinin qalibləri müəyyənləşib
• Cüdoçular arasında Abşeron-Xızı bölgəsi üzrə region birinciliyi keçiriləcək
• Naxçıvanda kəmər dərəcələri üzrə rəsmi imtahan keçiriləcək