Azərbaycan millisinin sabiq cüdoçuları Rüstəm Orucov və Orxan Səfərov bu gün masterklas üçün İngiltərəyə yola düşəcəklər.

Azərbaycan Cüdo Federasiyasının mətbuat xidmətindən apasport.az-a verilən məlumata görə, “Judospace” təşkilatının dəstəyi ilə baş tutacaq səfər çərçivəsində onlar cüdo klubları və cüdo akademiyasında rəsmilər ilə görüş keçirib, sessiyalarda iştirak edəcəklər.

Olimpiya mükafatçısı Rüstəm Orucov, bir çox beynəlxalq turnirlərin qalibi və mükafatçısı Orxan Səfərov aprelin 13-14-də “Sport Wales” Milli Mərkəzdə və “Camberley” Cüdo Klubunda master-klas keçəcək.

Onlar uşaqlar, böyüklər üçün ustad dərsi təşkil edəcəklər və təcrübələrini bölüşəcəklər. Sabiq cüdoçular həm də yaşlı şəxslər üçün təşkil olunacaq “Safe Falls” sessiyasında iştirak edəcəklər.

Bundan əlavə, Orucovla Səfərov Böyük Britaniyada cüdo klublarının fəaliyyəti ilə tanış olaraq, öyrəndikləri təcrübələri öz klublarında tətbiq etməyə çalışacaqlar.

• Cüdoçunun kata növü üzrə ölkə çempionatı və birinciliyi keçiriləcək
• Bakıda dünya çempionatı üçün xüsusi videoçarx – Cüdo ulduzları bir araya gəldi
• Cüdoçularımız Bakıda keçirilən beynəlxalq təlim-məşq toplanışında iştirak edir
• Məhəmməd Musayev 2 qat Avropa çempionu oldu
• Cüdoçularımızın Avropa çempionatında ilk rəqibləri bəlli oldu