Macarıstanın paytaxtı Budapeştdə cüdo üzrə dünya çempionatı keçirilir.

Apasport.az xəbər verir ki, bu gün Azərbaycan millisinin üç üzvü mübarizəyə başlayacaq.

Fidan Əlizadə (57 kq), olimpiya, dünya, Avropa çempionu Hidayət Heydərov və Rəşid Məmmədəliyev (hər ikisi 73 kq) tatami üzərinə çıxacaq.

Əlizadə Mariya Perişiçlə (Serbiya) qarşılaşacaq. Heydərov Otari Kvantidze (Portuqaliya ) ilə üz-üzə gələcək.

Rəşid Məmmədəliyev isə Kazbek Naquçev (BƏƏ) / Covanni Espozito (İtaliya) cütünün qalibi ilə mübarizə aparacaq.

Qeyd edək ki, mundialda Azərbaycanı 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir.

• Azərbaycanın kata ekspertləri Sarayevoda kodokan seminarında iştirak ediblər
• Mehdiabad qəsəbəsində yeni cüdo zalı istifadəyə verilib
• Millimiz Rusiyada beynəlxalq təlim-məşq toplanışına qatılıb
• Cüdoçularımız beynəlxalq təlim-məşq toplanışında iştirak edib
• Kişilər arasında cüdo üzrə Liqa yarışının II turu keçirilib