İtaliyadan olan 19 yaşlı xizəkçi Matilda Lorensi məşqdə yıxıldıqdan sonra aldığı xəsarətlər nəticəsində oktyabrın 29-da dünyasını dəyişib.

Apasport.az xəbər verir ki, Beynəlxalq Xizək Federasiyasının (FIS) məlumatına görə, faciəvi insident bazar ertəsi, oktyabrın 28-də Val Senales xizək kurortunda məşq zamanı baş verib.

“O, qəzadan dərhal sonra ağır vəziyyətdə xəstəxanaya çatdırılıb. Bütün gecə həkimlər idmançının həyatı üçün mübarizə apardılar, lakin bu səhər Lorensi vəfat etdi”, – məlumatda deyilir.

Lorensi dünyanın ən istedadlı gənc xizəkçilərindən biri hesab olunurdu. Ötən mövsüm o, İtaliya kubokunun qalibi olub.

• Azərbaycan kapoeyraçılarından Münhendə üç medal
• Azərbaycanda keçiriləcək yarışın tanıtım videosu beynəlxalq telekanallarda nümayiş olunur
• Velosipedçimiz Özbəkistanda 4-cü olub
• Təhminə Tağı-zadə Lozannada keçirilən qlobal antidopinq forumunda Azərbaycanı təmsil edib
• Azərbaycan və Türkiyə gənclər və idman sahəsində əməkdaşlığın perspektivlərini müzakirə edib