Azərbaycanlı MMA döyüşçüsü Məhəmmədəli Osmanlı “The Ultimate Fighter” (TUF) turnirinin 34-cü mövsümündə finala yüksəlib.

Apasport.az xəbər verir ki, "bantamweight" çəki dərəcəsində keçiriləcək həlledici döyüşdə onun rəqibi Qırğızıstan təmsilçisi İlimbek Akylbek Uulu olacaq.

Finalın qalibi UFC ilə müqavilə əldə edəcək.

Osmanlı yarımfinalda amerikalı Kristian Stronqu ikinci raundda boğucu fəndlə məğlub edərək finala vəsiqə qazanıb. Akylbek Uulu isə digər yarımfinalda Xavier Franklinə qalib gəlib.

Final döyüşü sentyabrın 26-da ABŞ-ın Las-Veqas şəhərində keçiriləcək UFC Vegas 121 turniri çərçivəsində baş tutacaq. Gecə “Meta APEX” arenasında təşkil olunacaq.

Qeyd edək ki, Məhəmmədəli Osmanlı TUF-34-də Maykl Bispinqin komandasının üzvü kimi çıxış edir.

• Arman Tsarukyandan növbəti nokaut – UFC-də 11-ci qələbə
• Akif Quluzadə yenidən rinqə çıxır – Döyüş Banqkokda olacaq
• Azərbaycanın MMA idmançıları dünya çempionatında gümüş medallar qazanıblar
• İan Qerri: “Karyeramın ən yaxşı döyüşünü keçirdim”
• İslam Maxaçev titulunu qorudu – UFC-də 17-ci ardıcıl qələbə