Ferstappendən 7-ci qələbə

02.07.2023 - 19:32

Formula-1 üzrə Avstriya Qran-Prisinə yekun vurulub.

Apasport.az-ın saytı məlumatına görə, 71 dövrəlik yarışı hollandiyalı Maks Ferstappen qazanıb.

Bu “Red Bull” pilotunun mövsümdəki 7-ci qələbəsi olub. Növbəti yerləri Şarl Lekler (“Ferrari”) və Serxio Peres (“Res Bull”) tutublar. Ən sürətli dövrə vuran Ferstappen 26 xal toplayıb. Nəticədə xallarının sayını 229-a yüksəldən Maks ikinci yerdə qərarlaşan komanda yoldaşını xeyli qabaqlayır. Avstriyada üçüncü olan Peresin hesabında 148 xal var.

Qeyd edək ki, bir gün əvvəl keçirilən sprint yarışında da Ferstappen qələbə qazanmışdı.