Azərbaycanın bədii gimnastları qrup hərəkətləri proqramında Dünya kubokunun finalına vəsiqə qazanıb.

Apasport.az xəbər verir ki, çoxnövçülükdə komandamız 5 halqa ilə çıxışda bu hüququ əldə edib.

Ləman Əlimuradova, Zəynəb Hümmətova, Kamilla Əliyeva, Yelizaveta Luzan, Darya Sorokina və Güllü Ağalarzadədən ibarət qrup uğurlu çıxış edərək, 36,650 bal toplayıb. Bu nəticə gimnastlara 3-cü pilləni tutmaq imkanı verib. İlk 2 pillədə İtaliya və İspaniya idmançıları yer alıblar.

Sabah komandamız 3 lent və 2 topla yarışlarda mübarizəyə start verəcək. 

Qeyd edək ki, Azərbaycan yığmasının üzvü Zöhrə Ağamirova fərdi yarışlarda halqa ilə çıxışda final mərhələsində yarışacaq.

• Tofiq Əliyevdən daha bir uğur: DÜNYA KUBOKUNUN QALİBİ OLDU
• “Nebesnaya Gratsiya” komandası III MDB Oyunlarında iştirak edəcək
• Gimnastlarımız MDB Oyunlarını 6 medalla başa vurublar
• Gimnastımız ikiqat Olimpiya çempionunu üstələdi - ÇEMPİON OLDU
• III MDB Oyunları: Azərbaycan gimnastları gümüş medal qazanıb - FOTO