"Batut gimnastikası ölkəmizdə çox da populyar deyildi".

Apasport.az xəbər verir ki, bunu batut gimnastikası üzrə Olimpiya Oyunlarına ilk dəfə lisenziya qazanan Selcan Mahsudova deyib. 

Selcan Mahsudova bu idman növü üzrə Paris Olimpiya Oyunlarına lisenziya qazandığı üçün sevincli olduğunu vurğulayıb: "Ümid edirəm ki, batut gimnastikası ölkəmizdə daha çox inkişaf edəcək. Yanımda olan hər kəsə təşəkkür edirəm".

İlk dəfə Paris Oyunlarında iştirak edəcək idmançımız ölkəmizi layiqincə təmsil edəcəyini düşünür: "Batut gimnastikası Olimpiya idman növü olduğu üçün hər bir idmançı Olimpiya Oyunlarında iştirak etmək və medal qazanmaq istəyir. Mən də bunun üçün çalışacam. Uzun müddətdir ki, uğurlu çıxış etmək üçün məşqlər edirəm. İnanıram ki, ölkəmizi Parisdə layiqincə təmsil edəcəm".

• Milli Gimnastika Arenasında daha bir "ustad dərsi" keçiriləcək
• Milli Gimnastika Arenasında "ustad dərsi"
• Təmsilçilərimiz Dubaydan 11 medalla qayıdır
• 6 kateqoriyada qaliblər müəyyənləşəcək
• Türkiyəli Olimpiya mükafatçısı Milli Gimnastika Arenasının qonağı olub