"Rafael Ağayev bizimçün çox dəyərli idmançıdır. Dünyada nadir nəticələrdən biri də məhz ona məxsusdur. Hazırda karatedə çıxış etməsə də, hər zaman onu dəyərləndiririk".
Apasport.az xəbər verir ki, bunu jurnalistlərə açıqlamasında Azərbaycan Karate Federasiyasının (AKF) prezidenti Ülvi Quliyev deyib.
Quliyev AKF-nin büdcəsi barədə də danışıb:
"Hamı bilməlidir ki, idman dövlətin dəstəyi və qayğısı ilə əhatə olunub. Bu olmasa, inkişaf mümkünsüzdür. Azərbaycan Karate Federasiyası ictimai birlikdir. Qurumun müəyyən bir büdcəsi var. Hazırda sponsorumuz yoxdur. Büdcəmizin imkan verdiyi qədər hamıya maddi və mənəvi dəstək verməyə çalışırıq. Federasiyanın imkanları limitlidir. Bu kimi məsələlər anlayışla qarşılanmalıdır".
Qeyd edək ki, daha əvvəl Rafael Ağayev istefa verdiyini açıqlasa da sonradan onun AKF-nin yox, "Azərbaycan Milli Karate Federasiyası" İctimai Birliyinin vitse-prezidenti olduğu məlum olub.
Oxşar xəbərlər
Ana səhifə
Bütün xəbərlər
Hesabım