Noyabr 23-24-də Belçikanın Antiverpen şəhərində fullkontakt kyokuşin karate üzrə 2-ci Avropa kuboku keçiriləcək.

Apasport.az xəbər verir ki, Azərbaycan yığması yarışa 8 idmançı ilə yollanıb.

Karateçilərimiz beynəlxalq turnirdə Samir Məmmədovun rəhbərliyi altında mübarizə aparacaqlar. Azərbaycanlı hakim Mail Abdullayev yarışda ədaləti qoruyacaq. Nümayəndə heyətimizə AKF-nin kontakt karate üslubları üzrə vitse-prezidenti Allahverdi Rüstəmov başçılıq edəcək.

Qeyd edək ki, Avropa kubokunda ilk üç yeri tutmuş karateçilər fullkontakt kyokuşin karate üzrə dünya çempionatına lisenziya qazanacaqlar.

• Azərbaycan Karate Federasiyası “Apasport”u mükafatlandırıb
• Karateçimiz Tbilisidə keçirilən beynəlxalq turnirdə gümüş medal qazanıb
• "Birlik" klubunun parakarateçiləri Azərbaycan çempionu olublar
• Azərbaycan karateçiləri dünya çempionatında 5 medal qazanıblar
• Karateçilərimiz dünya çempionatında iştirak edir