Gürcüstanın Batumi şəhərində şahmat üzrə komandalararası Avropa çempionatında II turun görüşləri keçirilib. 

Apasport.az xəbər verir ki, Şəhriyar Məmmədyarov, Rauf Məmmədov, Aydın Süleymanlı və Məhəmməd Muradlının çıxış etdiyi Azərbaycanın kişilərdən ibarət yığma komandası hesabat turunda Çexiya ilə heç-heçə edib - 2:2.

Məmmədyarov qalib gəlib, Məmmədov uduzub, Süleymanlı ilə Muradlı isə heç-heçəyə razılaşıb. 

Qadınlardan ibarət Azərbaycan yığması ikinci turda Macarıstanı 2,5:1,5 hesabı ilə məğlub edib.

Ülviyyə Fətəliyeva və Ayan Allahverdiyeva partiyanı qələbəylə başa vurub. Gövhər Beydullayeva heç-heçə edib, Xanım Balacayeva isə məğlub olub.

Qeyd edək ki, Avropa çempionatı oktyabrın 14-də yekunlaşacaq.

• "Shamakhi Open 2026"nın açılış mərasimi keçirilib
• Jurnalistlər arasında şahmat turnirinin qalibləri müəyyənləşib
• Azərbaycan millisi Şabranda təlim-məşq toplanışında iştirak edib
• Şahmat Olimpiadasında iştirak edəcək Azərbaycan millilərinin heyəti müəyyənləşib
• Qubada beynəlxalq şahmat festivalı keçiriləcək