“Baku Open 2024” beynəlxalq şahmat festivalı keçiriləcək.

Apasport.az xəbər verir ki, yarış Azərbaycan Şahmat Federasiyasının (AŞF) təşkilatçılığı, Gənclər və İdman Nazirliyinin dəstəyi ilə baş tutacaq.

FIDE-nin 100 illiyinə həsr edilən turnir İsveçrə sistemi üzrə 9 turdan ibarət olacaq. İştirakçıların yekun siyahısı iyunun 15-də müəyyənləşəcək.

Bakı İdman Sarayının ev sahibliyi edəcəyi festivalın mükafat fondu 50 000 ABŞ dolları olacaq.

Qeyd edək ki, iyunun 29-da start götürəcək “Baku Open 2024” beynəlxalq şahmat festivalı iyulun 7-də yekunlaşacaq. Turnirin baş hakimi AŞF-nin vitse-prezidenti Faiq Həsənov olacaq.

• Avropa çempionatında yığmamızın ən reytinqli şahmatçısı Rauf Məmmədov olacaq
• Şahmat Mərkəzində yeni təyinat
• "Vüqar Həşimov" Avropa Kubokunda İsrail klubu ilə qarşılaşacaq
• Azərbaycan klubundan qələbə
• Gimnaziadada çıxış edəcək şahmatçılarımız açıqlanıb