Azərbaycan stolüstü tennisçiləri beynəlxalq yarışda iştirak edəcəklər.

Apasport.az xəbər verir ki, ənənəvi “Finlandiya Open” turnirində millinin 12 üzvü bacarığını göstərəcək.

Baş məşqçi Mixail Timofeyev və məşqçi Elnur Hidayətzadənin rəhbərliyi altında Hilal Həsənov, Vəzir Allahverdiyev, Nihad Məmmədov, Rüstəm Hacılı, Adil Əhmədzadə, Onur Quluzadə, Zemfira Mikayılova, Ləman Abdulhəmidova, Mərziyyə Nurmətova, Arzu Aslanova, Aylin Əsgərova və Yağmur Məmmədli etimadı doğrultmağa çalışacaqlar.

Beynəlxalq dərəcəli hakim Zaur Mikayılov isə iki yaş qrupu üzrə keçiriləcək yarışın oyunlarını idarə edəcək. Sabah Lohja şəhərində start veriləcək “Finlandiya Open”ə dekabrın 8-də yekun vurulacaq.

• Stolüstü tennis üzrə ölkə kubokunun qalibləri müəyyənləşib - FOTO
• İslamiadanın mükafatçıları Vətənə qayıdıblar
• Stolüstü tennisçilərimiz İslamiadada daha bir mükafat qazanıblar
• Azərbaycanın stolüstü tennis millisi İslamiadada yarımfinala yüksəldi - FOTO
• İslam Oyunları: Yığmamız Pakistanı darmadağın edib