Bakı. Kənan Həsənov - APA-Sport. Azərbaycanın qızlardan ibarət aşağı yaş qrupları üzrə milli komandalarının Şərqi Avropa Ölkələrinin Zonal Voleybol Assosiasiyasının çempionatında iştirakı təsdiqlənib. Bu haqda “APA-Sport” agentliyinə Voleybol Federasiyasının mətbuat katibi Zöhrab Gözəlbəyli məlumat verib. Onun sözlərinə görə, avqustun 15-dən 18-dək Moskvada 1994/95-ci il təvəllüdlü komandalar mübarizə aparacaq. 1991/92-ci il təvəllüdlü qızlardan ibarət yığmamız isə 21-24 avqust aralığında Ukraynanın Lutsk şəhərində təşkil olunacaq yarışa qatılacaq. Şərqi Avropa Ölkələrinin Zonal Voleybol Assosiasiyasının çempionatında həmçinin, Rusiya, Ukrayna, Slovakiya, Polşa, Estoniya, Latviya və Litva yığmalarının iştirakı gözlənilir.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar