Bakı. Kənan Həsənov - APA-Sport. Avropa Voleybol Konfederasiyası qadınlar arasında Avropa çempionatının üçüncü təsnifat mərhələsinin oyunlarını idarə edəcək hakimlərin adlarını açıqlayıb. “APA-Sport” agentliyinin məlumatına görə, sentyabrın 7-də Quba Olimpiya Kompleksində keçiriləcək Azərbaycan - Yunanıstan görüşünə rusiyalı hakimlər təyinat alıblar. Qarşılaşmanın baş hakimi Rusiyada yaşayan soydaşımız Ravil Səmədov olacaq. Ona həmyerlisi Andrey Zinoviç kömək edəcək. A. Zinoviç Pekin Olimpiadasının finalında Braziliya və ABŞ-ın qadınlardan ibarət yığmalarının görüşündə də baş hakimin köməkçisi vəzifəsini icra edib. Qarşılaşmanın komissarı isə İnara Brokane (Latviya) olacaq.
Qeyd edək ki, Azərbaycan və Yunanıstan yığmaları arasında cavab matçı sentyabrın 14-də Afinada baş tutacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq