Dekabrın 5-də Bəhreynin paytaxtı Manamada keçirilən ağırlıqqaldırma üzrə dünya çempionatı davam edir.

Apasport.az xəbər verir ki, bu gün Azərbaycan yığma komandasının idmançısı İsa Rüstəmov (73 kq) körpücük üzərinə çıxıb.

B qrupunda yarışan atletimiz birdən qaldırma hərəkətində 150 kq nəticə göstərərək 4-cü olub. Təkanla qaldırma hərəkətində isə 178 kq ağırlığı başı üzərinə qaldıran Rüstəmov bu dəfə də 4-cü yerdə qərarlaşıb. Təmsilçimiz toplam çəkidə 328 kq (150+178) nəticəyə imza ataraq B qrupunu 4-cü yerdə başa vurub.

Qeyd edək ki, 73 kq çəki dərəcəsində yekun sıralama A qrupunda yarışan idmançıların çıxışlarından sonra bəlli olacaq.

• Ekspert KUPONU
• Elmar Baxşıyev: "Rəhbərlik futbol oynamır, nəticə və komandaya cavabdeh şəxs mənəm"
• De Xeadan yeni rekord
• Belçika KUPONU
• "Hazırkı heyətimizə də uyğun məşqçi elə Bojoviçdir..."