İyulun 2-dən 4-dək Salyandakı “Kainat Tədris Mərkəzində”, Gəncə şəhərindəki “Kəpəz” klubunun akademiyasında və Mingəçevir şəhər “Gənclər evi”ndə Cənub və Şimal-Qərb regionlarının I, II və III kateqoriya hakimləri üçün danışılmış oyunlarla bağlı seminar keçirilib.

Apasport.az AFFA-nın rəsmi saytına istinadən xəbər verir ki, UEFA-nın oyunların toxunulmazlığı üzrə məsul nümayəndəsi Seymur Səlimli “Danışılmış oyun haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında mühazirə oxuyub, maarifləndirici və hesabat xarakterli təqdimatlar edib.

Seminarda “Danışılmış oyunlar”a qarşı mübarizə mövzusunda əhəmiyyətli məsələlər müzakirə olunub, təcrübə mübadiləsi aparılıb. Danışılmış oyunların yerli və beynəlxalq nümunələri seminar iştirakçılarına təqdim edilib. İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.

• “Şamaxı” ikinci yoxlama oyununda qələbə qazandı
• Elmar Baxşıyev: “Gələcəkdə ev oyunlarını Naxçıvanda keçirmək ehtimalımız yüksəkdir”
• Hüseyn Məhəmmədov “Neftçi”nin uğurlu seriyasının sirini açıqladı - MÜSAHİBƏ
• Arçi Braun üçün 23 milyonluq bənd
• Yevlax klubu ev oyunlarındakı tamaşaçı sayına görə birincidir