Azərbaycan klubları avrokuboklarda 500-cü qolu vurub.

Apasport.az xəbər verir ki, yubiley qolu UEFA Avropa Liqasının I təsnifat mərhələsinin “Sabah” – “Selye” matçına təsadüf edib.

Bakı klubunun Sloveniya təmsilçisi ilə oyununa qədər Azərbaycan komandaları avrokuboklar tarixində keçirilən 470 matçda 499 qol vurmuşdu. Bu qarşılaşmada hesabı açan Pavol Şafranko 500-cü qolun müəllifi olub.

Klublarımızın avrokuboklarda debütü 1994-cü ildə gerçəkləşib. Bu müddətdə komandalarımız Çempionlar Liqasında 122, Avropa Liqasında (əvvəlki UEFA kuboku) 294, Konfrans Liqasında 64, İntertoto kubokunda 19, Kuboklar kubokunda 1 qol vurub. Ölkəmizin 21 klubu avrokubok həyəcanı yaşayıb.

Qeyd edək ki, təmsilçilərimizin Avropadakı ilk qolunun müəllifi Yadigar Süleymanov olub. “Kəpəz”in futbolçusu 1995-ci il avqustun 22-də Vyanada “Austriya”nın (1:5) qapısına yol tapıb.

• "Sumqayıt" Ekvador millisinin futbolçusunu transfer etdi - Detallar
• Qonçarenko “Neftçi” ilə müqavilə bağlamaq üçün Bakıya gəlir
• “Nant”ın baş məşqçisi: “Bu, böyük qürurdur”
• Karate millimiz Fransaya yollanır
• “Araz-Naxçıvan”ın baş məşqçisi: “Bir xal qazandıq”