Azərbaycan Kubokunun 1/8 final mərhələsinin "Zirə" - "Şamaxı" matçından (3:1) sonra qonaqların baş məşqçisi Ayxan Abbasovun mətbuat konfransı keçirilib.

"Maraqlı oyun oldu. İlk standart vəziyyətdən qol buraxdıq. Bundan sonra ucuz səhvdən hesab 0:2 oldu. Dönüş etmək istədik. Epizodlar da oldu. Birinci hissədə qol vura bildik. Rəqibin 3-cü qolu təsadüfən alındı. "Zirə"ni təbrik edirəm. Əsas fikrimizi çempionata yönəltməliyik. Futbolçuların performansı xoşuma gəldi. Müdafiədə səhvləri azaltsaq, nəticələr gələcək. Qarşımıza qoyulan məqsədə çatmaq üçün çox çalışmalıyıq. Məğlubiyyətlər olanda komandada ruh düşkünlüyü yaranmır. Çempionatın sonuna qədər mübarizə gedəcək. Komandanın potensialı ümid verir. İnanıram ki, bu il Premyer Liqada yerimizi qoruyacağıq".

- 5 gün sonra çempionat oyunu var. Bərpa prosesi sizi narahat etmir?
- Adil və Bakiç ötən matçda oynamamışdı. Onların oynaması önəmli idi. Rafaelə istirahət vermişdik. Pusi və Kantariyanı 75-ci dəqiqədə əvəzlədik. Çox ağır qrafikə giririk. Çünki bizim bir təxirə salınmış oyunumuz da var. Qışa qədər mübarizədə olmalıyıq. Futbolçular buna hazırdır.

• "Məni xilas edən xüsusi təyinatlı zabit sonradan intihar etdi" - MÜSAHİBƏ
• Premyer Liqada "ayın qolu" mükafatına namizədlər açıqlanıb - VİDEO
• Belajdi Pusi: "Keçən mövsümlə müqayisədə daha yaxşıyıq" - Müsahibə
• Qılıncoynadanlarımız Çində keçirilən dünya birinciliyində çıxış ediblər
• Aqil Nəbiyev: “Uşaqlara güvənmək lazımdır”