Misli Premyer Liqasının XXX turunun "Kəpəz" - "Araz-Naxçıvan" matçından (0:0) sonra ev sahiblərinin baş məşqçisi Azər Bağırovun mətbuat konfransı keçirilib.

Apasport.az xəbər verir ki, təcrübəli mütəxəssis oyun haqqında düşüncələrini bildirib:

"Çempionatın liderlərindən birinə qarşı möhtəşəm oynadıq. Epizodları qola çevirə bilməsək də, uşaqlara təşəkkür edirəm. Mənə elə gəlir ki, bu gün 2 xal itirdik".

- Rati Ardazeşvili ilə Luis Paçunu əvəzləməyinizin səbəbi nə idi?
- Oyunun gedişatı yenilənmə tələb edirdi. Onları təhlükəyə ata bilmərik. Hücumda sürəti artırmaq istədik. Bu, bəzi epiozdlarda alındı. Son nöqtəni qoya bilmədik. Sonradan meydana daxil olanlar oyuna pis qoşulmadı.

- Camal Cəfərov 3 epizodda fərqlənə bilmədi. Sizcə, qol vurmaq üçün nə çatmadı?
- Texniki keyfiyyətlərdir. Camal yaxşı futbolçudur. Sadəcə qol duyumunda geri qalır. Çoxdandır oynamamağı buna səbəb ola bilər.

- Mahammadu Banın durumu necədir?
- Sabahdan məşqlərə başlayacaq. "Sabah"la matçda ciddi zədə almışdı. Ümumi durumu normaldır. Qırıq-çıxıq yoxdur.

• Kaxaber Tsxadadze: “Oyun baxımından "Neftçi"dən geri qalmadıq”
• "Sabah"ın Xəyalı
• Yay Olimpiya Oyunlarında Azərbaycanın Dövlət Himni səsləndirilib
• 2 sərbəst güləşçimiz qitə çempionatının finalına yüksəlib
• "Lənkəran"ın baş məşqçisi: "Əgər bunu anlamasaq hər bir rəqibə qarşı oyunlarda problemlərimiz olacaq"