Azərbaycanı İspaniyanın Barselona şəhərində keçiriləcək "Ironman" məsafəsi üzrə beynəlxalq yarışda təmsil edəcək triatlonçular müəyyənləşib.

Apasport.az xəbər verir ki, yarışda “Tritterra Baku Triathlon Club”unun idmançıları Aleksandr Mordasov, Teymur Fərəcov, Kamil Əliyev, Fəxri Əkbərov, Oleq Kuçerov, İzzət Nəfiyev, Tural Mahmudov və Samir Cavadov iştirak edəcək.

Ironman normasını yerinə yetirmək üçün idmançılar üç sınaqda iştirak edəcəklər. Onlardan 3,8 km məsafədə üzmək, 180 km velosiped sürmək və 42,2 km marafon məsafəsində yürüşdə iştirak etmək tələb olunur.

Qeyd edək ki, oktyabrın 6-da baş tutacaq beynəlxalq turnirdə 60 ölkədən 3000 idmançının iştirakı planlaşdırılır.

• Heydər Əliyevin xatirəsinə həsr olunmuş həndbol üzrə beynəlxalq turnir keçiriləcək
• “Lill”in baş məşqçisi tarixə keçib
• İngiltərə millisinin üzvü “Milan”da çıxış edə bilər
• Ayxan Abbasov: “Komandamızın Moldova önündə sona kimi vuruşması bizi sevindirdi”
• Messinin komandası Çempionlar Liqası ilə vidalaşdı