Noyabrın 9-da Polşanın Keltse şəhərində boks üzrə beynəlxalq turnir start götürəcək. 

Apasport.az saytının məlumatına görə, 5 gün davam edəcək yarışda Azərbaycan milli komandası 13 idmançı ilə təmsil olunacaq. 

Yığmanın məşqçilər korpusu yarışda Məsud Yusifzadə (51 kq), Ruslan Qədirov (54 kq), Ümid Rüstəmov (57 kq), Tayfur Əliyev (60 kq), Malik Həsənov (63,5), Nəbi İsgəndərov (67 kq), Sərxan Əliyev (71 kq), Mirşərif Kazımzadə (75 kq), Murad Allahverdiyev (80 kq), Eldar Əliyev, Alfonso Dominqes (hər ikisi 86 kq), Rauf Rəhimov (92 kq) və Məhəmməd Abdullayevə (+91 kq) şans verəcək. 

Bu gün Polşaya yollanan boksçularımız noyabrın 14-də Vətənə dönəcək. 

Qeyd edək ki, yarışın püşkü noyabrın 8-də atılacaq.
 

• Azərbaycan millisinin baş məşqçisi: "Digər oyunlara hazırlaşmalıyıq"
• UEFA reytinqi: Azərbaycan 26-cı pillədə qərarlaşıb
• “Tottenhem”də ciddi itki: "Qalatasaray"la matçı buraxacaq
• Dövlət başçısı: “Görürdüm ki, bəzi federasiyalarda nəticələr əldə edilmir”
• III MDB Oyunları: Azərbaycanın bayraqdarları müəyyənləşib