Çempionatın startı təhlükədə

25.07.2022 - 09:29

İtaliya A seriyasının startı yubana bilər.

Apasport.az saytının məlumatına görə, bunu liqanın prezidenti Lorenso Kazini açıqlayıb.

O bildirib ki, yeni mövsümün təqvimi ilə bağlı problemlər yaranıb: “Çempionatı avqustun 13-də başlamaq ağır olacaq. Əgər ölkədə indiki kimi isti hava şəraiti davam etsə, yarışa start verməkdə çətinlik çəkəcəyik. Üstəlik, nəzərə almalıyıq ki, Qətərdəki dünya çempionatına görə yarışın özü də qeyri-adi alınacaq”.

Qeyd edək ki, avqustun 13-də 4 matçın keçirilməsi planlaşdırılıb.