Buzovna qəsəbəsində “Baku Sportinq Arena”da I Liqa yarışlarında mübarizə aparan “Baku Sportinq” klubunun üzvlərinə danışılmış oyunlarla bağlı seminar keçirilib.

Apasport.az xəbər verir ki, UEFA-nın oyunların toxunulmazlığı üzrə məsul nümayəndəsi Seymur Səlimli “Futbol ictimaiyyəti olaraq danışılmış oyun və ya oyun manipulyasiyası haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında mühazirə oxuyub, maarifləndirici və hesabat xarakterli təqdimatlar edib. Seminarda “Danışılmış oyunlar”a qarşı mübarizə mövzusunda olduqca əhəmiyyətli məsələlər müzakirə olunub, təcrübə mübadiləsi aparılıb.

Danışılmış oyunların yerli və beynəlxalq nümunələri seminar iştirakçılarına təqdim edilib. İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.

• Avropa Kanoe Assosiasiyası “Prezident Kuboku-2024” reqatasını ikinci dəfə təqvim planına daxil edib
• Azərbaycan millisinin voleybolçusu İndoneziya klubuna keçib
• Bernardo Silva qərarını verdi: "Qalatasaray"ın təklifinə cavab
• PSJ-dən mükəmməl geridönüş, “Real”dan darmadağın - YENİLƏNİB
• III MDB Oyunları: 5 idmançımız oxatma yarışlarında 1/8 finala yüksəlib