ABŞ-ın Birminqem şəhərində keçiriləcək Ümumdünya Oyunlarında mübarizə aparacaq Azərbaycan kikboksçusu, dünya çempionu Bəhram Rəcəbzadənin rəqibi müəyyənləşib.

Apasport.az saytının məlumatına görə, +91 kq çəki dərəcəsində K1 üsulu ilə keçiriləcək mübarizəyə start 1/4 finaldan veriləcək.

Ən ağır çəkili idmançımızın mötəbər turnirdəki rəqibi Monteneqro kikboksçusu Miroslav Vuyoviç olacaq. O, yarımfinala adlayacağı halda, Oskar İquera (Venesuela) – Roman Şerbatyuk (Ukrayna) cütünün qalibi ilə görüşəcək.

Qeyd edək ki, Ümumdünya Oyunlarında kikboksinq yarışları 10-15 iyul tarixlərində keçiriləcək.
 

• Millimizin oyunçusu: “Ən azı martadək zirvədəki yerimizi qoruyacağıq”
• “İdmançılarımızın Olimpiyadadakı uğurları daim yaddaşlarda qalacaq” -MOK
• AFFA-dan Fernandu Santuşa xüsusi hədiyyə
• Xulian Alvares: "Qvardiola mənə dedi ki, Argentina çox yaxşı komandadır"
• “Barselona”nın gənc ulduzu zədələndi