"Fənərbaxça" ulduz futbolçunun transferini rəsmən açıqladı

16.07.2024 - 20:27

Türkiyənin "Fənərbaxça" klubu növbəti transferini reallaşdırıb

Apasport.az xəbər verir ki, İstanbul təmsilçisi "Əl-Əhli"dən Allan Sen-Maksimenin keçidini həll edib. Bu barədə klubun mətbuat xidməti məlumat yayıb.

Fransalı vinger bu gecə Türkiyəyə gedib tibbi müayinədən keçdikdən sonra müqaviləni imzalayacaq.

27 yaşlı futbolçu 2024/2025 mövsümünü icarə əsasında "Fənərbaxça"nın heyətində keçirəcək.

Qeyd edək ki, "Əl-Əhli" Allan Sen-Maksimeni 2023-cü ilin yayında "Nyukasl"dan transfer edib. Təcrübəli ön xətt oyunçusu Səudiyyə Ərəbistanı təmsilçisinin heyətində meydana çıxdığı 31 rəsmi matçda 4 qol və 10 məhsuldar ötürmə ilə yadda qalıb.