İyulun 29-da Azərbaycan Respublikasının Prezidenti İlham Əliyev və birinci xanım Mehriban Əliyeva “Paris-2024” XXXIII Yay Olimpiya Oyunlarında parlaq qələbə ilə Olimpiya çempionu adını qazanan cüdoçu Hidayət Heydərova zəng ediblər.

Apasport.az xəbər verir ki, dövlət başçısı və birinci xanım Olimpiadanın cüdo yarışlarında parlaq qələbə qazanması münasibətilə Hidayət Heydərova təbriklərini çatdırıb, ona gələcək idman fəaliyyətində yeni qələbələr arzulayıblar.

Hidayət Heydərov telefon zənginə və səmimi təbriklərə görə dövlət başçısına və birinci xanıma təşəkkürünü bildirib, Olimpiadada Azərbaycan Respublikasının Dövlət Bayrağını ucaltmaqdan və Dövlət Himnimizin səsləndirilməsindən qürur duyduğunu vurğulayıb. O, yeni uğurlar əldə etmək üçün bundan sonra da səylə fəaliyyət göstərəcəyini deyib.

• Millimiz Portuqaliyanı darmadağın etdi - YENİLƏNİB
• Canni De Byazi: "Qrupdan çıxacağımızı düşünənlərin futboldan başı çıxmır" - MÜSAHİBƏ
• Tərlan Əhmədov: "Qarabağ" ilk oyunda rəqibinə qarşı saymazlıq etdi" - Açıqlama
• AMADA qadın boksçular üçün seminar təşkil edib
• İki güləşçimiz Avropa çempionatının yarımfinalında