Məlum olduğu kimi, “Kəpəz” baş məşqçi axtarışlarını davam etdirir. 

Apasport.az saytına verilən məlumata görə, klub rəhbərliyinin baş məşqçi postunu yerli mütəxəssisə tapşırmaq istəyi baş tutmayıb. 

Belə ki, artıq rəhbərliyin təklif göndərdiyi üç məşqçi bundan imtina edib. Saytımızın əldə etdiyi məlumata görə, Zaur Həşimov, Aftandil Hacıyev və Samir Əliyev “Kəpəz”in baş məşqçisi olmaq istəməyib. Digər yerli mütəxəssislərlə də danışıq aparan “Kəpəz” bundan əlavə Arif Əsədova da dəvət göndərib. Yerli mütəxəssis istəyi baş tutmasa, turnir cədvəlinin sonuncu pilləsində yer alan klub posta xarici mütəxəssis gətirəcək. 

Qeyd edək ki, qarşıdakı turda “Kəpəz”də baş məşqçi funksiyasını Etibar İbrahimov yerinə yetirəcək.
 

• Azərbaycan bilyardçısı Avropa çempionu olub
• İngiltərədə dekabr ayının ən yaxşı məşqçisi bəlli olub
• Avropa Liqası: “Qarabağ”ın potensial rəqibləri qarşılaşır
• İdman gimnastikası üzrə hakimimiz 1-ci kateqoriyaya layiq görülüb
• "Sivasspor" - "Qalatasaray" matçının hakimi karyerasını bitirir? - MHK sədrindən açıqlama