Millimiz Ermənistanı darmadağın etdi

25.07.2024 - 19:10

18 yaşadək basketbolçu qızlardan ibarət Azərbaycan millisi Avropa çempionatının C divizionunda növbəti görüşünü keçirib.

Apasport.az xəbər verir ki, yığmamız Kosovonun paytaxtı Priştinada keçirilən yarışın qrup mərhələsinin son turunda Ermənistanla üz-üzə gəlib.

İlk iki görüşdən qalib ayrılan qızlarımız bu dəfə də ənənəyə sadiq qalıblar. Türkiyəli mütəxəssis Evren Alkayanın rəhbərlik etdiyi komanda rəqibini 68-42 hesabı ilə darmadağın edib. Qrup mərhələsini yüz faizlik nəticə ilə bitirən millimiz yarımfinalda A qrupunun ikincisi ilə görüşəcək.

Qeyd edək ki, yarımfinal matçları iyulun 27-də keçiriləcək.