Azərbaycan milli komandasının sabiq hücumçusu Uğur Pamuk futboldan uzaq düşüb.

Bunu apasport.az saytına 34 yaşlı milliləşən legionerin özü açıqlayıb.

Almaniya türkü bildirib ki, idmandan ayrıldıqdan sonra özünü yeni sahədə sınayır: “İnşaat sahəsində işləyirəm. Futboldan uzaqlaşmışam. Bu barədə heç düşünmürəm də”. 

Azərbaycanda “Xəzər Lənkəran” və “Sumqayıt”ın formasını geyinmiş Uğur karyerasını bitirmək barədə düşünmür. O, yenidən yaşıl meydanlara dönmək arzusundadır: “Özümü yaya hazırlayıram. Həvəskar komandada oynamaq istəyirəm. Bu da yayda reallaşa bilər”.

Qeyd edək ki, Azərbaycan millisində cəmi 1 oyun keçirən Pamukun son klubu 2019/20 mövsümündə forma geyindiyi Almaniyanın aşağı liqa təmsilçisi “Hikret” olub.
 

• Valdas Dambrauskas: “Meydançada bir adamın şousu var idi”
• İqor Mitreski: "Neftçi"nin "Qarabağ"a çatması mümkün deyil"
• Yığma komandamız Latviyaya yollanıb
• Misli” məntəqələrində daha bir YENİLİK - Real görüntülü Virtual Bundesliqa başlayır!
• Messiyə eşq təklif etdi, 22 illik həyat yoldaşı sakit qarşıladı - FOTO