Qazaxıstan millisinin sabiq futbolçusu Sergey Ostapenko özünü digər idman növündə sınayacaq.

Apasport.az saytının məlumatına görə, bunu 37 yaşlı futbol veteranının özü açıqlayıb.

O, avtomobil idmanında çıxış edəcək. Sergey trofi-reydlərdə Yuri Kupriyanovla eyni ekipajda yer alacaq.

Vətənində “Alma-Ata”, “Tobol”, “Astana”, “Lokomotiv”, “Jetısu”, “Aktobe”, “Kaysar”, Belçikada “Antverpen” klublarında oynamış Ostapenko vaxtilə “Bakı”ya keçidə yaxın olsa da, forvardın transferi baş tutmayıb. O, karyerasını 29 yaşında bitirib.

Qeyd edək ki, yığmada 42 matçda 6 qol vuran Ostapenko 2007-ci ildə Azərbaycanla görüşdə debüt edib. O, son qolunu 4 il sonra millimizlə qarşılaşmada vurub.

• Azərbaycan millisinin üzvü futboldan kənarlaşdırıldı
• Ən qolçu ikinci afrikalı
• Bolqarıstan KUPONU
• Dibalaya növbəti təklif
• Olimpiyaçımız üçün sınaqçı rəqib