"Mingəçevir" və "Səbail" cərimələndi

26.02.2026 - 15:46

AFFA İntizam Komitəsinin növbəti iclası keçirilib.

Apasport.az xəbər verir ki, yığıncaqda I və II Liqalarla bağlı qərarlar qəbul olunub.

24 fevral 2026-cı il tarixində I Liqada XVI turun “Şimal” – “Cəbrayıl” oyununun 87-ci dəqiqəsində “Şimal” komandasının 28 nömrəli futbolçusu Nurlan Bayramov ciddi qayda pozuntusuna görə birbaşa qırmızı vərəqə aldığı üçün 2 oyun oyuna buraxılmasın, “Şimal” komandası 300 manat cərimə edilsin (maddə 44.1);

24 fevral 2026-cı il tarixində I Liqada XVI turun “Səbail” – “Baku Sportinq” oyununda “Səbail” komandasında 5 nəfər sarı vərəqə aldığı üçün “Səbail” komandası 210 manat cərimə edilsin (maddə 43.1);

25 fevral 2026-cı il tarixində I Liqada XVI turun “Mingəçevir” – MOİK oyununda “Mingəçevir” komandasının 4 futbolçusu sarı vərəqə aldığı üçün “Mingəçevir” komandası 210 manat cərimə edilsin (maddə 43.1);

23 fevral 2026-cı il tarixində II Liqada XV turun “Araz Saatlı” – “Şirvan” oyununda “Şirvan” komandasının 4 futbolçusu sarı vərəqə aldığı üçün “Şirvan” komandası 70 manat cərimə edilsin (maddə 43.1);

23 fevral 2026-cı il tarixində II Liqada XV turun “Araz Saatlı” – “Şirvan” oyununun 90+2-ci dəqiqəsində “Şirvan” komandasının 54 nömrəli futbolçusu Elcan Rəsulov ikinci sarıdan qırmızı vərəqə aldığı üçün 1 oyuna buraxılmasın, “Şirvan” komandası 50 manat cərimə edilsin (maddə 17.5, 17.7);

23 fevral 2026-cı il tarixində II Liqada XV turun “Kür-Araz” – “Dinamo” oyununda “Kür-Araz” komandasının 5 futbolçusu sarı vərəqə aldığı üçün “Kür-Araz” komandası 70 manat cərimə edilsin (maddə 43.10;

24 fevral 2026-cı il tarixində II Liqada XV turun “Şəmkir” – “Sheki City” oyununda “Şəmkir” komandasının 4 futbolçusu sarı vərəqə aldığı üçün “Şəmkir” komandası 70 manat cərimə edilsin (maddə 43.1);

24 fevral 2026-cı il tarixində II Liqada XV turun “Şəmkir” – “Sheki City” oyununun 53-cü dəqiqəsində “Şəmkir” komandasının 44 nömrəli futbolçusu Hüseyn Atayev rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyuna buraxılmasın, “Şəmkir” komandası 100 manat cərimə edilsin (maddə 46).